Подвизался в затворе сперва в обители великомученика Димитрия Солунского, а потом в Киево-Печерском монастыре. За свою святую жизнь получил от Господа благодать исцеления и изгнания бесов.
В 1182 г. преподобный Лаврентий был возведен епископом на Туровскую кафедру и был преемником святителя Кирилла Туровского. Скончался святитель Лаврентий в 1194 г. Нетленные мощи его почивают в Антониевых (Ближних) пещерах Киево-Печерской лавры.
Молитва святителю Лаврентию, епископу Туровскому, затворнику Печерскому
О пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Лаврентие! Предстоя у Престола всех Царя и наслаждаяся света единосущныя Троицы и херувимски со ангелы возглашая песнь трисвятую, великое же и неизследованное дерзновение имея ко всемилостивому Владыце, моли спастися паствы Христовы людем, благостояние святых церквей утверди: архиереи благолепием святительства украси, монашествующыя к подвигом добраго течения укрепи, царствующий град и вся грады и страны добре сохрани, и веру святую непорочну соблюсти умоли, мир весь предстательством твоим умири, от глада и пагубы избави ны, и от нападения иноплеменных сохрани, старыя утеши, юныя настави, безумныя умудри, вдовицы помилуй, сироты заступи, младенцы возрасти, пленных возврати, немощствующыя и молящияся тебе от всех напастей и бед ходатайством твоим свободи: моли о нас Всещедраго и Человеколюбиваго Христа Бога нашего, да и в день Страшнаго Пришествия Его от шуияго стояния избавит нас, и радости святых причастники сотворит со всеми святыми во веки веков. Аминь.
Тропарь святителю Лаврентию, епископу Туровскому
Тропарь, глас 8
Всеблаженне Лаврентие, затворивый себе Господа ради в месте тесне и в нем многа лета трудолюбне поживый, молися о нас ко Господу, яко да и мы от всякаго греха чувства затворше, получим отверзение дверей милости Господни в День судный.
Кондак, глас 6
Усердие Лавре Печерстей желая от чудес прославления, себе же самаго смиряя, отреклся еси онаго, бедне диаволом мучима, исцелити, отслав его ко пещере, идеже он исцелившися, блаженне Лаврентие, прослави с тобою Господа, прославляющаго святых своих.
.jpg)