Апостол от 70-ти, родом из Антиохии Сирийской. Врач из просвещенных греков, изучил и живопись. Сотрудник апостола Павла и верный ученик его, прошел с проповедью Ахаию, Лилию, Египет. В г. Фивы мученически окончил земную жизнь в возрасте 80 лет. Он написал Евангелие и книгу Деяний апостольских. По преданию Святой Церкви, им написаны первые иконы Божией Матери (Владимирская, Тихвинская). “Благодать Рождшегося от Меня и Моя милость с сими иконами да будет”, — сказала Пресвятая Дева, увидев иконы. Святой Лука написал также иконы верховных апостолов Петра и Павла. В 84 году был повешен на маслине в египетских Фивах.
Апостолу Луке молятся об исцелении от глазных болезней и о помощи при изучении иконописания.
Молитва апостолу и евангелисту Луке
О святый угодниче Божий, апостоле Луко! Подвигом добрым подвизався на земли, восприял еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.
Тропарь апостолу и евангелисту Луке
Тропарь, глас 5
Апостольских деяний сказателя и Евангелия Христова светла описателя, Луку препетаго, славна суща Христове Церкви, песньми священными святаго апостола похвалим, яко врача суща, человеческие немощи, естества недуги и язи душ исцеляюща и молящася непрестанно за души наша.
Кондак, глас 2
Истиннаго благочестия проповедника и тайн неизреченных ритора, звезду церковную, Луку Божественнаго восхвалим: Слово бо его избра, с Павлом мудрым языков учителя, Един ведый сердечная.
Тропарь Апостолу, глас 3
Апостоле святый Луко, моли милостиваго Бога, да прегрешений оставление подаст душам нашим.
Кондак Апостолу, глас 4
Яко звезду пресветлую Церковь всегда стяжа тя, апостоле Луко, чудес твоих многоподаванием просвещаема. Тем же зовем Христу: спаси чтущих верою память Твоего апостола, Многомилостиве.
